Pure ka pura aakaash ghuma ker baazi
dekhi maine
kaale ghar mei suraj rakh ke,
tumne shayad socha tha, mere sab mohre pit jyenge
maine ek chiraag jala kar, apna rasta khol liya
tumne ek samunder haath mei lekar, mujh
per 'dhel' diya,
maine nooh ki kishti uske ooper rakh dee,
kaal chala tumne, aur meri jaanib dekha,
maine kaal ko tod ke lamha-lamha jeena seekh liya
meri khudi ko tumne chand
chamatkaaron se maarna chaha
mere ek pyade ne tera chaand ka mohra maar liya.
maut ki sheh dekar tumne samjha tha ab tou maat hui
maine jism ka khol utaar ke saunp diya - aur rooh bacha li
Pure ka pura aakaash ghuma ker ab tum dekho baazi
-Gulzaar
No comments:
Post a Comment